Ҡанды һәм эсәктәрҙе таҙарта

Һүҙ сөгөлдөр тураһында бара. Был ябай тамыраҙыҡ ҡеүәтле тәбиғи детокс-сара тип иҫәпләнә. Унда бетаин бар, ул токсиндарҙы сығарырға, "насар" холестерин кимәлен кәметергә һәм ҡанды таҙартырға ярҙам итә. Шулай уҡ сөгөлдөр үт етештереүҙе әүҙемләштерә, аҙыҡты эшкәртеүҙе һәм майҙарҙы тарҡатыуҙы еңеләйтә.

Күҙәнәктең (клетчатка) юғары миҡдары аш һеңдереү трактын йомшаҡ һәм тәбиғи таҙартыуға булышлыҡ итә. Шуға күрә даими рәүештә сөгөлдөр ҡулланыу оло ярауҙы нормалләштереүгә, эсәклек микрофлораһын яҡшыртырға ярҙам итә.

Шулай уҡ сөгөлдөр ҡан тамырҙарын киңәйтергә ярҙам итә һәм ҡан баҫымын кәметә, ағзаларға һәм мейегә кислород ағымын әүҙемләштерә.

Диетологтар сөгөлдөрҙө аҙнаһына кәм тигәндә 2-3 тапҡыр рационға индерергә кәңәш итә. Тамыраҙыҡты төрлө вариацияларҙа – салаттарҙа, һурпаларҙа, икенсе ризыҡтарҙа, шулай уҡ һыу менән шыйыҡландырылған яңы һығылған һут рәүешендә ҡулланырға мөмкин.

Әммә, йәшелсәнең файҙаһына ҡарамаҫтан, уның кире тәьҫире лә бар. Табип менән алдан кәңәшләшеү кәрәк.