Синоптиктар ямғыр вәғәҙә итә

Синоптиктар мәғлүмәттәре буйынса, Ейәнсура районында киләһе көндәрҙә ямғыр яуа.

Яндекс. Һауа торошо сервисы прогноздарынан күренеүенсә, бөгөн, 1 апрелдә, аяҙ була. Һауа температураһы көндөҙ +14...+17, төндә +3..+8 градус тәшкил итә. Ел көнсығыштан секундына 3-4 м тиҙлектә иҫә.

Иртәгә, 2 апрелдә, башлыса аяҙлы-болотло булыуы, төндә ямғыр яуыуы көтөлә. Термометр бағанаһы көндөҙ +16...+19, төндә +9...+11 градус күрһәтә. Ел башлыса көньяҡтан секундына 5-7 м тиҙлектә иҫә.

Кесаҙнала, 3 апрелдә, болотло була, бер аҙ ямғыр яуа. Һауа температураһы көндөҙ +12...+14 градус булһа, төндә +1-гә тиклем түбәнәйә, тип прогнозлай синоптиктар.