Хеҙмәт алдынғыларына – телевизор!

4 октябрҙә район мәҙәниәт йортонда Республика көнөнә, Уҡытыусылар көнөнә, Ауыл хужалығы һәм эшкәртеүсе сәнәғәт хеҙмәткәрҙәре көнөнә арналған тантаналы сара үттеУның эшендә БР Дәүләт Йыйылышы – Ҡоролтай депутаты, аграр мәсьәләләр, экология һәм тәбиғәттән файҙаланыу комитеты рәйесе Әлфәрис Байсурин, район хакимиәте башлығы Дәмин Юланов, БР ветеринария идаралығы етәксеһе Азат Йыһаншин, район Советы депутаттары, ауыл биләмәһе башлыҡтары, предприятиелар һәм учреждениелар етәкселәре, йәмәғәт ойошмалары вәкилдәре, хеҙмәт алдынғылары ҡатнашты.Мәҙәниәт усағы алдындағы майҙанда һәм фойела күргәҙмә эшләне, унда хужалыҡтарҙың яңы техникаһы, продукцияһы, район оҫталарының ҡул эштәре тәҡдим ителде. Делегаттар һәр өҫтәл янында туҡталып, күргәҙмә хужалары менән әңгәмәләште, артабанғы пландары менән ҡыҙыҡһынды, республика һәм Рәсәй кимәле тәжрибәһенән сығып эшлекле кәңәштәр бирҙе. Тоҡомло малдары менән данлы «Маяҡ» ЯСЙ-һы һарыҡ йөнөнөң һуғылған, иләнгән, сиратылған өлгөләрен алып килгән; яңы ғына Иҫәнғолда «Ҡамыр батыр» исемле кибет асып, тәбиғи сүпрә ҡушып бешерелгән икмәк, ҡалас, төрлө ваҡ бәлештәр менән һатыу иткән «Каравай» ЯСЙ-һы үҙенең ҡатнашыуы менән һөйөндөрҙө; оҙаҡ йылдар дәүерендә район буйынса һатып алыусыларҙы тоҙло һәм ыҫланған балыҡтары, колбасалары, ләүәштәре, билмән кеүек ярымфабрикаттары, икмәге менән тәьмин иткән РайПо киң ассортиментын йәйеп һалғайны; балсылар Фуат Толомбаев («Нектар» ЯСЙ-һы), Ғәбделхаҡ Ҡәҙербәков шифалы тәбиғи ризыҡтың бер нисә төрөн, йәнә дауа үлән-емештәрен, умартасылыҡ менән булышҡанда кәрәкле эш ҡоралдарын алып килгәйне; «Россельхозцентр» пробиркала үҫтерелгән картуф, үҫемлек, ғөмүмән, төрлө культура өлгөләрен килтергән, улар теләүселәргә ашлама, биоаҙыҡтар йәһәтенән кәңәштәрен йәлләмәне; ветстанция күп төрлө инструменттары, һәр төрлө сирҙәрҙән дарыуҙары, прививка төрҙәре, биркалар хаҡында мәғлүмәтле махсус өҫтәл әҙерләгәйне. С.Абдуллин исемендәге балалар сәнғәт мәктәбе кейеҙҙән эшләнгән милли кейем-һалым өлгөләрен күрһәтте, бынан тыш бер нисә ойошма һәм айырым кешеләр үҙшөғөлөнөң хеҙмәт емештәрен алып килгәйне.Тулыһынса гәзиттең ҡағыҙ йәки электрон (https://rbsmi.ru/catalog/podpiska/) вариантында уҡығыҙ.