Күҙгә-күҙ ҡарашып ҡына

Һаҡмар ауыл биләмәһендә ҡатнаш никахтар бик күп, бында халыҡ үҙ-ара татыу йәшәй, ике яҡтың да иң матур һәм өлгөлө йолаларына хөрмәт тәрбиәләй, йәш быуынды бергәләп күтәрә. Һеҙ һүрәттә күргән Әлфиә Булат ҡыҙы һәм Виктор Васильевич Куковякиндар ҙа 1982 йылдан законлы никахта йәшәй, ике ул үҫтергәндәр, улар икеһе лә юғары юридик белемле, өйләнгәндәр. Куковякиндар ике ейәнсәргә яҡшы ҡәрсәй һәм ҡартатай. Назар ауылы ҡыҙы менән Бужан ауылы егете бер-береһенән бик уңған, икеһе лә тормошто яратып, уның ҡәҙерен белеп, балаларының изге ниәттәренә ҡанат ҡуйып йәшәй.