Бөгөн – Курск бәрелешендә немец-фашист ғәскәрҙәрен тар-мар итеү көнө

Йыл һайын 23 августа Рәсәйҙең хәрби дан көнө – 1943 йылда Совет ғәскәрҙәренең немец-фашист ғәсәкәрҙәрен Курск бәрелешендә тар-мар итеү көнө билдәләнә.

Бөйөк Ватан һуғышы барышын тамырынан үҙгәртеүҙе тәьмин итеүҙә Курск бәрелеше хәл итекс роль уйнай. 5 июлдән 23 авгусҡа тиклем дауам иткән был бәрелештә Совет Армияһы дошманды 140-150 саҡрымға сигенергә мәжбүр итә, Орел, Белгород һәм Харьков ҡалаларын азат итә. Гитлер армияһы унда 30 дивизияһын, шул иҫәптән ете танк дивизияһын, бөтәһе 500 меңдән артыҡ һалдат һәм офицерҙарын, 1,5 мең танкыһын, 3,7 меңдән артыҡ самолетын юғалта.

Курск һуғышынан һуң фронтта көстәр нисбәте Ҡыҙыл армия файҙаһына ҡырҡа үҙгәрә, был уға дөйөм стратегик һөжүм йәйелдереү өсөн имен шарттар тәьмин итә.