-2 °С
Болотло
Бөтә яңылыҡтар
Еңеүҙең 80 йыллығын ҡаршылап
24 Июнь , 16:06
Онотоу юҡ һуғыш ҡорбандарын
Байыш ауылында йәшәгән Шәрифә инәй Ҡыуандыҡова- Бирҙеғолова йыл да 9 Май байрамында Рәсәй Президентының Еңеү көнө уңайынан открыткаһын ҡабул итеп ала. Был открытка йылдар үткән һайын инде күңел төпкөлөнә тәрәнгәрәк төшә барған хәтирәләрҙе ҡуҙғытып ебәрә. Уның атаһы Сәлихйән Мәзит улы Бирҙеғолов тыуған илгә тыныслыҡ яулау өсөн шәһит булған яугирҙәрҙең береһе. – Бәләкәй генә өй, мейестән стенаға тиклем урындыҡ. Унда иң төптә ҡәрсәм ята, уны “әнкәй” тип йөрөттөк, беҙҙең менән йәшәне. Унан әтейемдең Иҙәштән алып айырған ҡатынынан булған улы Сәмиғулла ағайым ята, ул да беҙҙә булды. Шунан әтейем, әсәйем, һылыуым юҡ ине әле – мин улар араһында һикереп уйнап, шашып йөрөй торғайным. Әнкәй матур ғына була торғайны, тегенергә оҫта булды, күлдәкте лә үҙе бесеп, тегеп кейер ине. Бала сағым иң күңелле ваҡыттар булған икән.
Онотоу юҡ һуғыш ҡорбандарын
Әтейемдең һуғышҡа киткәнен бик яҡшы иҫләйем. 1941 йылдың ҡышы, һыуыҡ. Һылыуым Йәнифә яңы атлай башлаған ине. Повестка килде лә, шул комиссариатҡа сығып алдымы икән? Иҫәнғолдан икебеҙгә лә “драж” уйынсығы алып ҡайтҡайны. Ҡыуанабыҙ килеп тороп. Ә атайымды һуғышҡа оҙатҡанда тәҙрәнең боҙон бармаҡтың йылыһы менән иретеп, шул тишектән ҡарап, илап ҡалдыҡ, - тип хәтерләй Шәрифә инәй.
Тулы мәҡәлә менән "Ейәнсура таңдары" гәзитендә танышырһығыҙ.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.