+1 °С
Болотло
Бөтә яңылыҡтар
Махсус хәрби операция Спецоперация
20 Март , 11:00
Шундай ҡыйыу егеттәр бар
20 йәш – йәшлектең иң күңелле осоро. Дуҫтарың менән аралашаһың, һәр көндән йәм табып, дәртләнеп йәшәйһең. Тормош сағыу буяуҙарҙан, күңелле ваҡиғаларҙан ғына тора кеүек тойола... Яңыраҡ редакцияға инеп сыҡҡан Александр Козырь исемле егет менән һөйләшкәндән һуң, тормошта гел үрҙә яҙылғанса булмауын аңланым. Саша – махсус хәрби операцияла ҡатнашыусы. Ҡарашында, һөйләгән һүҙҙәрендә – етдилек. Йәп-йәш егет, ә ниндәй яуаплы аҙым эшләгән – ил һағына йүнәлгән!
Шундай ҡыйыу егеттәр бар
Ишемғол ауылы егете үткән йылдың апрелендә әрме хеҙмәтенә юллана. Ә 1 майҙа ул контрактҡа ҡул ҡуя. Артабан – бер нисә ай дауамында “учебка”, унан – алғы һыҙыҡ...
–Үкенгәнең булманымы? – тигән һорауыма көтөлмәгән яуап яңғыраны:
– Юҡ, миңә хатта оҡшай! Бәләкәй саҡта ҡартайым менән хәрбиҙәр хаҡында фильмдар ҡарай торғайным. Шунда “спецназ”да хеҙмәт итһәң ине, тип хыяллана инем. Тормошҡа ашты! Быға минең спорт менән дуҫлығым, һаулығымдың яҡшы булыуы булышлыҡ итте. – тип ғорур яуап бирҙе “Бариста”.
Яугир сит ерҙә Башҡортостандан бер нисә яҡташын осратыуы, шул тиклем шатланыуы хаҡында һөйләне. Хатта һөйләгәндә лә тауышы шундай ҡыуаныслы: егеттең яҡташтарына, тыуған иленә ҡарата ихтирамы, һөйөүенең көслөлөгө күренеп тора.
Ана шундай, “Бариста” һымаҡ ауырлыҡтарҙан ҡурҡмаған, ҡыйыу йөрәкле егеттәребеҙ булғанда, еңеү, һис шикһеҙ көттөрмәҫ!
Айнә Иманғолова.
Фото шәхси архивтан.
Новости партнеров