+14 °С
Болотло
Иң тәүҙә бәшмәкте йыуабыҙ ҙа, пластинкалар менән турап, аҡ майҙа ҡыҙҙырып алабыҙ. Ҡыҙҙырылған бәшмәктәрҙе кәстрүлгә күсереп һалабыҙ ҙа, 2 литр ҡайнар һыу ҡойоп, 30 минут яй утта бешерәбеҙ.
Бәшмәк бешкәнсе, картуфты - оҙонса итеп, кишер, петрушка тамырын һәм һуғанды ваҡ ҡына кубиктарға турайбыҙ.
Шыйыҡ майҙы табала ҡыҙҙырабыҙ ҙа, һуғанды "алтын" төҫкә ингәнсе бешерәбеҙ. Шунан өҫтөнә петрушка тамырын һәм кишер һалып, тағын 5-7 минут ҡыҙҙырабыҙ.
Әҙер йәшелсәләрҙе бешеп ултырған бәшмәккә ҡушабыҙ ҙа, тағы 20-30 минут, картуф бешкәнсе ҡайнатабыҙ.
Был ашҡа ҡаймаҡ һалып ашаһаң, тағы ла тәмлерәк була!
Аштарығыҙ тәмле булһын!