+15 °С
Облачно
Аш-һыу Рецепты
22 Января 2022, 07:21
Кәбеҫтәнән кәтлиттәр
Ҡыш, ғәҙәттә, өҫтәлдә ит ризыҡтарының һәр төрлөһө күп була. Әммә гел генә ит ашап ултырыу ҙа яҡшы т-гел бит әле. Әйҙәгеҙ, бөгөн кәтлитте кәбеҫтәнән бешереп ҡарайыҡ! Бының өсөн 1 кг кәбеҫтә, бер һуған, яртышар стакан он менән манный ярмаһы, 1-2 теш һарымһаҡ, самалап тоҙ менән борос, әүәләү өсөн сухари һәм ҡыҙҙырыу өсөн үҫемлек майы кәрәк булыр.
Кәбеҫтәнән кәтлиттәр
ӘҘЕРЛӘҮ:
Кәбеҫтәне 4 өлөшкә бүлеп, кәстрүлгә һалып, һыу ҡоябыҙ ҙа, ҡайнап сыҡҡас, 8-10 минут бешереп алабыҙ. Кәбеҫтәне эҫе килеш иләккә һалып, һарҡытабыҙ. Унан һуған ҡушып ит тартҡыстан үткәрәбеҙ ҙә, ваҡланған һарымһаҡ, укроп, тоҙ, борос, он һәм манный ҡушып, кәтлит массаһын әҙерләйбеҙ. Кәтлиттәрҙе әүәләйбеҙ (быны һыу ҡулдар менән эшләү уңайлыраҡ). Ваҡланған сухариҙа әүәләйбеҙ ҙә, ҡыҙған майҙа ике яҡтан да ҡыҙҙырабыҙ.
Аштарығыҙ тәмле булһын!
