+6 °С
Болотло
Был ризыҡты әҙерләү өсөн 3-4 уртаса картуфты таҙартып, тоҙло һыуҙа бешерәбеҙ. Һыуын түге, иҙәбеҙ ҙә бер аҙ һыуытып, 1 йомортҡа, 50 гр аҡ май, 50 гр сыр, самалап тоҙ, боро, 150 гр он өҫтәп, ҡамыр баҫабыҙ. Уны бер аҙ ял иттерәбеҙ.
Ҡамырҙы 1 см ҡалынлыҡта йәйеп, таяҡсалар ҡырҡабыҙ. Уларҙы майлы табаға теҙеп, мейестә, 180 градуста 20-25 минут бешерәбеҙ. Майҙа ҡыҙҙырырға ла була.
Табынға үҙегеҙгә оҡшаған соус менән бирегеҙ – яҡындарығыҙ һис шикһеҙ бындай таяҡсаларҙы йәнә бешереүегеҙҙе һораясаҡ!
Тәмле булһын!