+24 °С
Дождь
Аш-һыу Рецепты
11 Февраля 2022, 07:28
Ошолай бешергәндә фрикаделька тәмлерәк була
0,5 кг фарш, 1 һуған, 1 йомортҡа, 2 аш ҡалағы манный, самалап тоҙ, борос, тәмләткестәр алабыҙ. Соус өсөн бер татлы борос, 3 помидор, 1 аш ҡалағы томат пастаһы, самалап тоҙ, тәмләткестәр, 100 мл һыу һәм 200 гр сыр кәрәк.
Эшләнеше:
- Фаршҡа һуған, йомортҡа, манный, тоҙ, борос һалып, тигеҙ итеп болғайбыҙ. Фрикаделькаларҙы әүәләп, формаға теҙәбеҙ ҙә, 200 градус эҫелектәге духовкаға 25-30 минутҡа оҙатабыҙ.
- Соусын әҙерләү өсөн татлы боросты ҡыҙҙырабыҙ. Уға иҙелгән помидорҙар, томат пастаһы һалабыҙ, тоҙ, тәмләткестәр һәм, иң аҙаҡтан, һыу өҫтәйбеҙ.
- Форманы сығарып, фрикаделькалар өҫтөнә соус ҡойоп, ҡырғыстан үткәрелгән сырҙы һибәбеҙ ҙә, йәнә 20 минутҡа мейескә оҙатабыҙ.
Тәмле һәм туҡлыҡлы ризыҡ әҙер! Тәмле булһын!
