+28 °С
Болотло
Аш-һыу Рецепты
2 Август 2022, 10:35
Желе кеүек ҡайнатма
Ҡара ҡарағатты күп йылдар ошо рецепт менән ҡайнатам. Бәлки күптәр өсөн ул яңылыҡ та түгелдер. Шулай ҙа яҙам. Бығаса эшләмәгәндәр өсөн. Ҡайнатып ҡарағыҙ әле, ҡуйы, татлы, ялтырап торған ҡайнатманы оҡшатмау мөмкин түгел! 11 стакан ҡара ҡарағатҡа 14 (7+7) стакан шәкәр, 1 стакан һыу кәрәгә.
Желе кеүек ҡайнатма
Һыуға 7 стакан шәкәр һалып сироп ҡайнатабыҙ. Өҫтөнә ҡарағатты һалабыҙ ҙа, ҡайнап сыҡҡас, 5 минут ҡайнатып алабыҙ. Һүндерәбеҙ. Ҡалған 7 стакан шәкәрҙе һалып, тигеҙ итеп болғайбыҙ.
5 минутлыҡ ҡайнатма әҙер! Сәйҙәрегеҙ тәмле булһын!
