Ҡышҡылыҡҡа крыжовниктан "Мохито" компоты

Быйыл баҡсаларҙа крыжовник уңған. Хужабикәләребеҙ был татлы емештән ҡайнатмалар, компоттар япҡандыр ҙа инде. Ә беҙ бөгөн крыжовник менән бөтнөктән (мята) тәмле генә "МОХИТО" компотын әҙерләйбеҙ. Кәрәк: бер 3 л банк иҫәбенә крыжовник – 0,5 л банка, шәкәр ҡомо – 1 стакан, лимон йки лайм – ике түңәрәк киҫәк, 1 сәй ҡалағы лимон кислотаһы менән алыштырырға ла була, 2-3 бөтнөк үләне (10-15 см оҙонлоҡтағы).

Таҙа 3 литрлы банкаға йыуылған крыжовникты һалабыҙ, уға лимон киҫәктәрен һәм бөтнөктө өҫтәйбеҙ. Өҫтөнә ҡайнап торған һыу ҡойоп, стерилләштерелгән ҡапҡастар ябып ҡуябыҙ. 15-20 минуттан һыуҙы ҡабат кәстрүлгә ҡойоп бер банканың һыуы иҫәбенә 1 стакан шәкәр һалып ҡайнатабыҙ ҙа, яңынан банкаларға ҡойоп, ҡапҡастарын нығытып ҡуябыҙ. Компоттарҙы түңкәреп ҡуйып йылы юрған менән ҡаплайбыҙ. Шул килеш тулыһынса һыуынғансы тотҡас, баҙға төшәрәбеҙ.

Ҡышҡыһын мунсанан һуң әскелтем генә тәмле бөтнөклө компот эсеп һыуһындарығыҙҙы ҡандырырһығыҙ!

Автор:Залия Байгускарова

Читайте нас в

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.

Баш мөхәррир: Ә.М. Әйүпова.

Телефон

8 (34785) 2-15-26

Электрон почта

[email protected]

Реклама хеҙмәте

8 (34785) 2-11-09