Әгәр һалҡын тейһә...

Хәлһеҙлек, баш ауыртыуы, тамаҡ ҡымырйыу, сөскөрөү, та­нау менән тын ала алмау - бына уның тәүге билдә­ләре. Һеҙҙә уларҙың бер нисәүһе күҙәтелһә лә, ви­рус инфекцияһы организ­мығыҙға үтеп ингән, 24-48 сәғәттән уны тулыһынса яулап аласаҡ, тиергә мөмкин. Ни эшләргә?

– Киҙеү мәлендә та­науға оксолин майы һөртөп йөрөргә кәрәкле­ген барыһы ла беләлер. Ул вирустарҙан һаҡлай, сирҙе иҫкәртә.

– Тутыҡмай торған бысаҡ менән ваҡ ҡына ту­ралған лимон менән бал­ды бергә бутап ултыр­таһың. Бал яйлап иреп бөтә. Аҙаҡ һалҡын тей­гәндә, тамаҡ ҡымыр­йығанда бик килешә. Бәләкәй балаларға ла имеп йөрөргә кәңәш ителә.

– Әгәр ҡан баҫымы юғары булмаһа, бронхит, астма менән йонсоған­дарға түбәндәге ысул һәйбәт: таста тоҙҙо ире­тәһең дә эҫе ташҡа һибеп, ләүкәлә бер тына ултырып тораһың. Тын алыуҙары иркенәйеп, йүтәл йомша­рып китә. Үҙенә күрә «тоҙ­ло шахта» була.

– Өшөп ҡайтып ингәндә аяҡтарҙы йылын­ғансы эҫе һыуҙа тотоу үҙен аҡлай. Аҙаҡ ҡоротҡансы һөртөргә онотмағыҙ. Шулай уҡ табандарға ҡоро горчич­ник һалып йөрөү ҙә килешә.

– Вирус­тарға организмда үрсеү мөмкинлеге бирмәҫкә кәрәк. Бының өсөн ни эшләргә? Вирустар юғары температураны яратмай, шунлыҡтан һал­ҡын тейеүҙең тәүге билдә­ләре беленгәс тә танау тирә­һен, маңлайҙы, тамаҡты йылытырға кәрәк - был ви­рустарҙы юҡ итергә ярҙам итә; аяҡ табандарын йылы­тыу ҙа файҙйлы.

Был ашығыс саралар ва­ҡытында ҡулланылһа, үрсеп китмәҫ борон вирус­тарҙы юҡ итергә, сирҙе баш­ланмаҫ борон иҫкәртергә ярҙам итер. Айырыуса был буласаҡ әсәләргә, сабыйҙар­ға, ғөмүмән, теге йәки был дарыу ярамаған кешеләргә файҙалы. Сәләмәт булығыҙ!