-3 °С
Ясна
Бөтә яңылыҡтар
Һаулығың – байлығың Будь здоров!
5 Апрель 2019, 16:20
Республикала пациенттарҙы гемодиализға бушлай йөрөтөргә тейештәр
Башҡортостанда гемодиализға мохтаж пациенттарҙы йәшәгән ерҙән процедура башҡарылған урынға тиклем урындағы дауахана иҫәбенә алып барырға тейештәр. Был хаҡта Башҡортостандың һаулыҡ һаҡлау министры вазифаһын башҡарыусы М. Забелин белдерҙе.
ӨФӨ, 2019 йыл, 5 апрель. /«Башинформ» мәғлүмәт агентлығы, Розалиә Вәлиева/.
Башҡортостанда гемодиализға мохтаж пациенттарҙы йәшәгән ерҙән процедура башҡарылған урынға тиклем урындағы дауахана иҫәбенә алып барырға тейештәр. Был хаҡта Башҡортостандың һаулыҡ һаҡлау министры вазифаһын башҡарыусы Максим Забелин белдерҙе.
Тейешле бойороҡ 2019 йылдың февралендә баҫылған, сирлеләрҙе йөрөтөүгә өҫтәмә аҡса бүленгән. Транспортировка талап ителгәндәрҙең барыһына ла дауалау учреждениеһына мөрәжәғәт итергә кәрәк.
Сибай ҡалаһында 41 пациент гемодиализға йөрөй, «Нефролайн» гемодиализ үҙәгендә ете «яһалма бөйөр» аппараты ҡуйылған. 2014 йылдың октябренән алып улар өс сменала эшләй. Бер процедура дүрт сәғәт дауам итә, ауырыуҙар бында ике көн һайын килә.
Процедураға уларҙы үҙәк ҡала дауаханаһы транспорты менән килтерәләр.
«Нефролайн» гемодиализ үҙәге табибы Рәфҡәт Биҡҡолов һүҙҙәренсә, әлеге ваҡытта бүлексәлә Сибай, Йылайыр һәм Хәйбулла райондары халҡы гемодиализ процедураһын үтә. Пациенттар өсөн бөтә процедуралар ҙа бушлай.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.