Һаҡланығыҙ...

Синоптиктар фаразлауынса, бөгөн - май айының иң эҫе көнө. Хатта төндә дә йылылыҡ 20 градустан түбән төшмәйәсәк тип көтөлә. Хөрмәтле төркөмдәштәр! Көнөгөҙҙө планлаштырғанда ошоно күҙ уңында тотоғоҙ. Ҡаҡ ҡояш аҫтындағы башҡарылған эштәрҙе кисектереп тороғоҙ. Әгәр ҡан баҫымы күтәрелеүҙән яфаланһағыҙ, йөрәгегеҙ борсой икән, ғөмүмән, сәләмәтлегегеҙ иғтибар талап итә икән, бөгөн уға айырыуса һиҙгер булығыҙ! Һалҡында булығыҙ, күберәк һыу эсегеҙ. Һау-сәләмәт булайыҡ!