Пневмониянан дауалағандар, ә уның яман шеш булған

Пневмониянан дауалағандар, ә уның яман шеш булған. Һөҙөмтәлә: үлгән.

Үлгән ирҙең ҡыҙы Тикшереү комитетына мөрәжәғәт иткән.

Быйыл ҡыш Стәрлетамаҡ ҡалаһынан 60 йәшлек Дим Мәхмүтов яман шеш ауырыуынан үлгән. Был ваҡиғаға асыҡлыҡ индереү маҡсатында ҡыҙы Диана Тикшереү комитетына мөрәжәғәт итә.

Уның ялыуы буйынса, үткән йылдың июлендә атаһына “пневмония” диагнозы ҡуялар, хәйер, һуңғараҡ антиесемгә ҡандан алынған анализ һөҙөмтәләре буйынса унда ковид булған, ә ноябрҙә ирҙә үпкә рагының һуңғы стадияһы булыуы асыҡлана. Атаһы ауыр хәлдә булыуға ҡарамҫтан, уны онкодиспансерға һалмайҙар һәм Дианаға атаһын тикшереүҙәрен күҙ йәштәре аша өлгәшергә тура килә.

Әле тикшереү эштәре бара.