Лимон. Халыҡ дауаһы

Лимон халыҡ ме­дицинаһында киң ҡулланылған емеш­тәрҙең береһе. Уның составының төп өлө­шөн һыу һәм лимон кислотаһы алып то­ра. Бынан тыш, лимон организм өсөн кәрәкле витаминдарға, бигерәк тә С витаминына бай. С витамины мат­дәләр алмашыныуына йоғонто яһай һәм туҡымаларҙы туҡландырыуҙа ҡат­наша. Бынан тыш, лимонда A, Bl, В2, D һәм цитрус емештәрендә генә була торған цитрин (Р витамины) бар.

Төндә йоҡлай алмаһағыҙ: 1) 1 стакан лимон һутына 2 ҡалаҡ ҡарабойҙай ба­лын ҡушып болғатҡандан һун, 2 ҡалаҡ ваҡланған грек сәтләүеге өҫтәргә. Ятыр алдынан 1 ҡалаҡ ашарға; 2) 1 ли­мондың тышын ҡырғыстан үткәреп, 2 ҡалаҡ бесәй үләне (валериан) тамыры, 3 ҡалаҡ аҡ сәскә өҫтәп, ҡайнар һыу ҡойорға. 1 сәғәт төнәткәс, һөҙөп алыр­ға. Иртән һәм кис ашағандан һуң ярты стакан эсергә.

Атеросклероз булғанда лимон һуты ҡушып яһалған төнәтмәләр бик файҙа­лы. Лимон һутындағы файҙалы матдәләр ҡан тамырҙарын таҙарта, холес­терин тығындарын эретә. Бының өсөн 50 г салат менән 2 ҡыярҙы ваҡ итеп ту­рарға. Лимондың һутын һығып алырға ла, йомшаҡ өлөшөн турарға. Килеп сыҡҡан турамаға лимон һуты өҫтәргә.

Ревматизм менән яфаланһағыҙ ҙа лимон менән дауаланығыҙ. Лимон кислотаһы һәм витаминдар ялҡынһыныуҙы булдырмай, организмды нығы­та. Лимон ҡабығын спиртҡа һалып төнәтеп, тәнде ыуһаң, ауыртыу ба­ҫыла.

Һалҡын теймәһен өсөн: лимонды 1 минутҡа ҡайнар һыуға тығып алығыҙ һәм тышы менән ит турағыстан үт­кәрегеҙ. Уға 100 г аҡ май, 1 -2 ҡалаҡ бал өҫтәгеҙ. Ғәҙәти май кеүек һаҡлайҙар һәм ҡулланалар. Лимонды өлөштәргә бүлеп, банкаға һалығыҙ һәм өҫтөнә шәкәр һибегеҙ. Һыуытҡыста 12 сәғәт тотҡандан һун, балаларға көнөнә 1 балғалаҡ бирергә.

Иммун системаһын нығытыу өсөн: 3 кг сөгөлдөр, 2 кг кишер, 2 кг гранат, 2 кг лимондың һутын һығып (лимондың төштәрен алырға, ә гранатты төштәре, тышы менән бергә үткәрергә), банкаға ҡойорға ла, 2 кг бал өҫтәргә. Эсемлек­те көнөнә ике тапҡыр: 100 г тирәһе иртән һәм кис 1 ай дауамында эсергә.

БЫЛ МӘҠӘЛӘ ДӨЙӨМ МӘҒЛҮМӘТ ӨСӨН ТӘҒӘЙЕНЛӘНӘ ҺӘМ МЕДИЦИНА БЕЛГЕСТӘРЕ КӘҢӘШТӘРЕН АЛМАШТЫРА АЛМАЙ.

Фото: proprikol.ru