Мең дә бер кәңәш

Юғары ҡан баҫымынан

❖ Икмәк телемен ваҡ киҫәктәргә бүлеп, һәр киҫәккә 4-әр тамсы бесәй үләне (валериана) төнәтмәһе тамыҙырға, 2-3 сәғәт һайын бер киҫәкте яйлап ҡына сәйнәргә. Дауаны 1 ай дауам итһәгеҙ, яҡшыраҡ булыр.

❖ 1 лимон һуты ҡушылған 1 стакан йылы һыуҙы ас ҡарынға эсеү ҙә ҡан баҫымын төшөрә.

❖ Кистән тары ярмаһын бүрттерергә ҡуйып, иртәнсәк шуға ҡабаҡ ҡушып, бутҡа бешерегеҙ. Икенсе көнөнә ҡабаҡ урынына кипкән еләк-емеш ҡулланығыҙ.

❖ 1,5 литр һыуға уртаса ҙурлыҡтағы 5 картуф ҡабығының ҡайнатмаһын көн буйына эсеү ҙә файҙалы.

Бөйөрҙән таш сағырыу

❖ Борсаҡ үләнен сәскә атмаҫ элек йыйырға, ваҡлап, 2 ҡалаҡ үләнгә 1,5 стакан яңы ҡайнап сыҡҡан һыуҙы ҡойоп, 30 минут төнәтергә, һөҙөргә һәм ашар алдынан 2-шәр ҡалаҡ эсергә.

Һалҡын тейһә...

❖ Хәҙер ялан баш йөрөү, йоҡа кейенеү модала, шуға ла һалҡынға бире-

шеүсе күп. Һалҡын тейһә, 10-ар грамм мәтрүшкә, үгәй инә япрағы, 20 грамм ваҡланған бесәй борсағы (алтей) тамырын ҡушып болғатырға. 2 ҡалаҡ үләнгә ярты литр һыу ҡойоп, 15-30 минут төнәтергә. Ашарҙан 20-30 минут алда көнөнә 4 мәртәбә йылы килеш яртышар стакан эсергә.

Тауыш бөтһә...

❖ Кәстрүлгә 1 стакан һыу ҡойорға, ярты стакан әнис үләне орлоғо һалып, 15 минут ҡайнатырға, һөҙөргә һәм 2 ҡалаҡ бал өҫтәргә. Ярты сәғәт һайын эсергә.

БЫЛ МӘҠӘЛӘ ДӨЙӨМ МӘҒЛҮМӘТ ӨСӨН ТӘҒӘЙЕНЛӘНӘ ҺӘМ МЕДИЦИНА БЕЛГЕСТӘРЕ КӘҢӘШТӘРЕН АЛМАШТЫРА АЛМАЙ.

Әнүәрә ХӘЙБУЛЛИНА.

“Киске Өфө”нән.