Үҙ эше, тормошо менән ҡәнәғәт

– Заманында ауыл еренә кәрәкле һөнәр булғанға һайланым, бында йөрөп эшләүемә инде бишенсе йыл булып китте. Эшемде яратам, яратмаһам эшләмәҫ инем, – ти Ниғмәтулла Хисмәтулла улы.

Ғәббәс ауылында тыуып-үҫеп, әлеге көндә Самаҙы ауылында йәшәгән Ниғмәтулла Хәлитов ауыл хужалығы өлкәһендә 30 йылдан ашыу эшләй. Бөтә ауыл малайҙары кеүек үк бәләкәйҙән техника менән ҡыҙыҡһынып үҫкән Ниғмәтулла ағай яҙмышын трактор-машинанан башҡа күҙ алдына килтерә алмай, шуға күрә лә армияға тиклем Мораҡта шофер-тракторсыға уҡып сығып, Хоҙайбирҙин исемендәге колхозда эш башлай һәм әлеге көндә Абзанда ШЭ Г. Абдулов крәҫтиән-фермер хужалығында эшләп йөрөй. Самаҙы ҡыҙы Земфира менән яҙмышын бәйләй. Тыуған ауылында мәктәп бөтөрөлгәс, балаларын артабан уҡытыу өсөн кәңәшләшәләр ҙә кәләшенең ауылына күсеп килергә ҡарар итәләр. Әлеге көндә ҙурҙары – Рәмилдәре Тажикстанда контракт буйынса хеҙмәт итә, Димдәре Мәскәүҙә төҙөлөштә эшләй, Гөлфирә – Медногорскиҙа медколледждың 1-се курсында, Линар һәм Гөлнәзирә Абзан мәктәбендә уҡып йөрөйҙәр.
– Заманында ауыл еренә кәрәкле һөнәр булғанға һайланым, бында йөрөп эшләүемә инде бишенсе йыл булып китте. Эшемде яратам, яратмаһам эшләмәҫ инем, – ти Ниғмәтулла Хисмәтулла улы. – Мин Т-150 тракторында йөрөйөм. Иртән 8-гә килеп, ҡараңғы төшкәнсе эшләйбеҙ. Хужалыҡта төшкө, киске аш яҡшы ойошторолған, төндә эшләгән осраҡтарҙа ла була, унда ла ашаталар. Ҡышын ремонт эштәре менән булабыҙ.

Читайте нас:

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.

Баш мөхәррир: Ә.М. Әйүпова.

Телефон

8 (34785) 2-15-26

Электрон почта

[email protected]

Реклама хеҙмәте

8 (34785) 2-11-09