4 фермер

Малсылыҡ биналарының ҡышҡа әҙерлеге, ҡоролма-йыһаздар, һөт блоктары хәл-торошон ҡарап, Яңы Себенле ауыл биләмәһендә урынлашҡан фермаларға (барыһы ла элекке МТФ территорияһында) ауыл хужалығы белгестәре барҙы. Крәҫтиән-фермер хужалыҡтары етәкселәре К.Маҡаев, Х.Йосопов, Т.Дәминев, А.Хәсәнов үҙҙәрендәге статистик мәғлүмәттәр менән таныштырҙы, аҙыҡ запасының һаҡланыу шарттарын һәм башҡа шарттарҙы күрһәтте. Был фермерҙарҙың барыһы бергә 200 баштан ашыу һауын һыйырын аҫрай, 2018 йылда тулайым 1 мең тоннанан ашыу һөт етештереп, тапшырғандар, был райондағы һөт етештереүҙең 46 процентын тәшкил итә.