Ҡыуаҡтарҙы туҡландырҙығыҙмы әле?

* Тәү сиратта ҡыуаҡтарҙың ауырыу һәм кәкрәйеп үҫкән ботаҡтарын киҫегеҙ. Эргә-тирәһен ҡаҙып йомшартығыҙ. Әгәр ауырыу күрһәгеҙ, 1 процентлы бордос ҡатнашмаһы менән эшкәртегеҙ. Калий-фосфор ашламаһы менән туҡландырығыҙ. Бер төпкә 30-40 грамм суперфосфат һәм 15-20 грамм калий кәрәк буласаҡ.

* Ағастарға һәм ҡыуаҡтарға һыу һибеүҙе кәметегеҙ, әммә тулыһынса туҡтатмағыҙ. Тап ошо мәлдә икенсе йылға уңыш нигеҙе һалына – сәскәле бөрөләр барлыҡҡа килә. Ҡыуаҡҡа шул ваҡытта ярҙам итеп ебәрер өсөн йылы һыу һибергә кәрәк. Бер квадрат метр майҙан өсөн ҡыҙыл ҡарағатҡа - ике, ҡара ҡарағатҡа – өс-дүрт, крыжовникка – дүрт-алты, ҡурай еләгенә биш-алты биҙрә һыу кәрәк булыр, - ти Светлана.