+12 °С
Ямғыр
Бөтә яңылыҡтар
Йәмғиәт Общество
31 Май 2019, 19:02
Милли проекттар -“Торлаҡ һәм ҡала мөхите"
“Торлаҡ һәм ҡала мөхите” – илебеҙ халҡы өсөн иң мөһимдәренең береһе.
“Торлаҡ һәм ҡала мөхите” – илебеҙ халҡы өсөн иң мөһимдәренең береһе. “Бөгөн төҙөлөш компаниялары дәүләткә йәки муниципалитеттарға социаль объекттарҙы тапшырғанда табышҡа һәм өҫтәмә хаҡҡа һалым түләргә тейеш.
Төҙөүселәрҙе ошо ауыр йөктән бушатырға кәрәк. Шулай итеп, ҡалаларыбыҙҙың, ауылдарыбыҙҙың комплекслы үҫешен, йәғни торлаҡ эргәһендә ғаиләгә кәрәкле мөһим учреждениелар – поликлиника, мәктәп, спорт майҙансыҡтарын булдырыу эшен әүҙемләштереү шарт. Был ата-әсәләр уҡый, эшләй алһын, бәхетле атай-әсәй булыуҙан ҡәнәғәтлек алһын өсөн эшләнә”, – тине ил Президенты.
Владимир Путин йәмәғәтселек вәкилдәре менән осрашҡанда “Торлаҡ һәм ҡала мөхите” милли проекты тураһында һүҙ барғанда Хөкүмәткә июнь башына тиклем сүп-сарҙы утилләштереү ҡағиҙәләрен үҙгәртеүгә бәйле мәсьәләне ҡарарға ҡушты.
Владимир Путин шулай уҡ торлаҡ төҙөгәндә тарихи мөхитте һаҡлау, балалар майҙансыҡтары булдырыуҙы талап итте. Әйткәндәй, ил Хөкүмәте төбәктәргә яҡынса 5 миллиард һум аҡсаны бәләкәй ҡалаларҙа һәм тарихи биләмәләрҙә уңайлы ҡала мөхите булдырыу буйынса проекттарҙы тормошҡа ашырыуға йүнәлтәсәк. Рәсәй төбәктәренә 40-тан 289 миллион һумға тиклем аҡса бүленәсәк. Башҡортостанға ҡаралған сумма – 245 миллион һум.
Бәләкәй ҡалаларҙа һәм тарихи биләмәләрҙә уңайлы ҡала мөхите булдырыу буйынса иң яҡшы проекттарға Бөтә Рәсәй конкурсы 2018 йылдан үткәрелә. Унда федераль һәм төбәк тарихи биләмәләр статусы, халҡы 100 меңгә тиклем булған муниципаль берәмектәр ҡатнаша. Башҡортостандан был конкурста Бәләбәй (“Йырлаусы шишмәләр паркы”), Бөрө (“Бөрө ваҡыты” архитектура-парк ансамбле”) һәм Ишембай (“Ҡала майҙаны. Тергеҙеү”) ҡалаларынан проекттар еңеп сыҡҡан.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.