+10 °С
Болотло
Бөтә яңылыҡтар
Йәмғиәт Общество
11 Июнь 2019, 18:24
Республикала һәләтле балаларҙы асыҡлау һәм ярҙам күрһәтеү үҙәген булдырыуға 300 миллион һум бүленә
«Һәләтле балаларға ярҙам күрһәтеүҙең төбәк үҙәгендә фән, спорт, сәнғәт йүнәлештәре буйынса мәғариф программалары тормошҡа ашырылырға тейеш»
Башҡортостанда «Мәғариф» милли проектының «Һәр баланың уңышы» федераль проекты сиктәрендә һәләтле балаларҙы асыҡлау һәм ярҙам күрһәтеү үҙәге асыла. Уны булдырыуға 300 миллион һумдан ашыу бүленә. «Сириус» белем биреү үҙәге моделе буйынса үҙәк республика инженер лицейында булдырыла. Тағы өс учреждениены мәғариф программалары өсөн майҙансыҡ сифатында файҙаланыу күҙаллана.
«Һәләтле балаларға ярҙам күрһәтеүҙең төбәк үҙәгендә фән, спорт, сәнғәт йүнәлештәре буйынса мәғариф программалары тормошҡа ашырылырға тейеш», — тип һөйләнеләр ТАСС агентлығына республиканың Мәғариф министрлығында.
«Сочиҙағы «Сириус» кимәле барыһын да илһамландыра, унда булғандар тәрән интеллектуаль ҡараш менән ҡайта. Әгәр республикала ошо модель ғәмәлгә ашырылһа, был һәләтле балаларҙы асыҡлауҙың һәм ярҙам күрһәтеүҙең система булдырыусы элементтарының береһе булыр ине», — тип билдәләне Башҡортостандың Йәмәғәт палатаһы ағзаһы Алексей Елизарьев.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.