Бер ауылды һыу баҫты!

Тәтешле районында ҡойма ямғырҙан һуң Шүлгән ауылын һыу баҫа. Ауыл халҡы социаль селтәргә һалған фото-видеоларҙа ямғыр һыуының нисек картуфлыҡтарҙы йыуып, ҡыуаҡтарҙы йығылтып, өйгә тулыуын күрергә була. "Иртәнсәк кенә баҡсала еләк йыйып йөрөгәйнем, ә хәҙер өйгә инеүе лә ҡурҡыныс!" - ти Шүлгәндә йәшәгән бер ҡатын.

Ямғырҙан һуң урамдар йылғаға әйләнә. Ҡойма ямғыр эҙемтәһенән баҙап ҡалған шүлгәндәр үҫкән уңышты нисек һаҡлап ҡалырға, тип аптыранғанда, ауыл халҡының ҡаҙ-өйрәге рәхәтләнеп "күлдә" йөҙә.