Улар илгә еңеү яулашты

ИҒТИБАР – яңы конкурс!

Илебеҙҙә ниндәй генә байрамдар билдәләнмәй, әммә иң ҙуры – Бөйөк Ватан һуғышында фашистик Германияны еңгән 9 май байрамылыр. Был һуғышта ҡатнашҡан, беҙгә Еңеүҙе бүләк иткән ҡаһарман олатай-ҡартайҙар, “Бөтәһе лә фронт өсөн! Бөтәһе лә Еңеү өсөн!” тип тылда ал-ял белмәй эшләгән инәй-өләсәйҙәр хаҡында күберәк материалдар туплау, аҙаҡ уларҙы китап итеп сығарыу маҡсатында “Ейәнсура таңдары” гәзите редакцияһы “Улар илгә Еңеү яулашты” исемле конкурс иғлан итә. Был китап “Иңдәрендә – ил яҙмышы”ның дауамы булып, 1940-1960 йылдарҙы үҙ эсенә аласаҡ. Погонлы һәм погонһыҙ яҡындарығыҙ хаҡында белгәндәрегеҙ хаҡында яҙығыҙ, музейҙарҙа, һандыҡ төптәрендә һаҡланған мәғлүмәттәр, өскөл хаттар, фотолар, наградалар таныҡлыҡтары күсермәләре менән уртаҡлашығыҙ.

Редакция.