31 декабрь ял итәбеҙме? Әллә эшләйбеҙме?

Йылдың иң һуңғы көнөндә, 31 декабрҙә эшләргә теләйһегеҙме?

31 декабрҙе ял көнө итеү күптән өлгөрөп еткән мәсьәлә. Дәүләт Думаһы депутаттары ла был теманы күтәреп сыҡты. Хуплаусылар ҙа күп булды. Барыбер күптәр отгул йә отпускыһының бер көнөн ала, эш йүнле бармай, бер ниндәй ҙә етди мәсьәләне хәл итеп булмай, тигән фекерҙә парламентарийҙар.

Баҡһаң, Томск өлкәһе губернаторы 31 декабрҙәге эш көнөн 28 декабргә, шәмбегә күсергән икән. Сөнки унан ҡатын-ҡыҙҙар һораған. Эйе, байрам алдынан хужабикәләргә төп көс төшә.

Башҡа төбәктәрҙең башлыҡтары ла 31 декабрҙе ял көнө итә аламы икән?