«Иғтибар — балалар!» иҫкәртеү сараһы башланды

Эске эштәр министрлығының Ейәнсура районы буйынса бүлегенең дәүләт автоинспекцияһы бөгөндән, йәғни 16 декабрҙән «Иғтибар — балалар!» иҫкәртеү сараһын башланы. Акция киләһе йылға, ғинуарҙың 14-енә тиклем дауам итә. - Дәүләт автоинспекцияһы һәм уҡытыусылар водителдәрҙән бала ғүмерен хәүеф аҫтына ҡуймауҙарын һәм юл хәрәкәте ҡағиҙәләрен теүәл үтәүҙәрен һорай. Юлығыҙҙа кескәй йәйәүлене күргәс тә, алдан уҡ тиҙлекте кәметегеҙ, сөнки балаларҙың юлда үҙҙәрен нисек тотоуын әйтеп булмай, — ти ЮХХДИ-ның юл хәрәкәте хәүефһеҙлеген пропагандалау буйынса инспекторы, полицияның кесе лейтенанты Фидан Йәнбулатов һәм ата-әсәләрҙе балаларға йәйәүлеләр өсөн юл хәрәкәте ҡағиҙәләре тураһында иҫкә төшөрөргә саҡырҙы.