+12 °С
Ямғыр
Бөтә яңылыҡтар
Йәмғиәт Общество
12 Ғинуар 2020, 14:00
Төшкө сәйгә "балдаҡтар"
Ошоларҙы бешергән һайын йәш саҡ иҫкә төшә. Өфөлә Үҙәк баҙарҙа 5 тингә алып ашарға тура килгәйне борон. Шундай дүңгәләктәр бешерергә уйлап, ҡамырҙан бау яһап, ике башын тоташтырып мәшәҡәтләнгәндәр әле лә иҫтә. Тәүҙә форма менән ҡырҡып, аҙаҡ просто тишергә кәрәклеген белмәгәс ни.
Ошоларҙы бешергән һайын йәш саҡ иҫкә төшә. Өфөлә Үҙәк баҙарҙа 5 тингә алып ашарға тура килгәйне борон. Шундай дүңгәләктәр бешерергә уйлап, ҡамырҙан бау яһап, ике башын тоташтырып мәшәҡәтләнгәндәр әле лә иҫтә. Тәүҙә форма менән ҡырҡып, аҙаҡ просто тишергә кәрәклеген белмәгәс ни.
Ә был "балдаҡ"тар эремсек ҡушып бешерелә. Эп-рәхәт булыу өҫтөнә ғәләмәт тәмле лә! Ял көнөндә үҙегеҙ бешереп ҡарағыҙ әле!
Шулай итеп, 3 йомортҡа, ярты кило эремсек, 1-әр сәй ҡалағы сода һәм тоҙ, 1 стакан шәкәр ҡомо, 3 стакандан күберәк он кәрәк була. Оҡшаһа, ванилин ҡушырға мөмкин. Барыһын бергә бутап, йомшаҡ ҡына ҡамыр баҫабыҙ ҙа 0,5 см ҡалынлығында йәймә йәйәбеҙ. Ҙурлығы үҙегеҙгә оҡшаған форма (сынаяҡ, рюмка, фужер һ.б.)менән түңәрәктәр ҡырҡып сығабыҙ ҙа уртаһын бармаҡ менән тишәбеҙ. Ҡыҙған көнбағыш майында бешерәбеҙ. Аҙаҡ шәкәр оно һибергә мөмкин. Мотлаҡ оҡшаясаҡ!
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.