Бөтә яңылыҡтар
Йәмғиәт
1 Февраль 2020, 23:00

Балаң 1-се класҡа барһа...

1 февралдән балаларҙы электрон ҡабул итеү аша I класҡа уҡырға алыу башланды. Тик техник көйһөҙлөктәр сәбәпле ғариза тапшырыуҙа проблемалар килеп сыҡҡан.

1 февралдән балаларҙы электрон ҡабул итеү аша I класҡа уҡырға алыу башланды. Тик техник көйһөҙлөктәр сәбәпле ғариза тапшырыуҙа проблемалар килеп сыҡҡан.
Республиканың Мәғариф һәм фән министрлығынан хәбәр итеүҙәренсә, ғаризалар Башҡортостан Республикаһының мәктәптәргә электрон сират сервисы порталында ҡабул ителә. Порталдағы юғары әүҙемлеккә бәйле битте яңыртыуҙың кәрәк булыуы ихтимал.
Республикала йәшәүселәргә уңайлыраҡ булһын өсөн 8 (347) 266-10-96, 8 (347) 218-00-00 телефондары, help@cuct.ru, support@bashkortostan.ru. электрон почталары аша техник ярҙам итеү хеҙмәте ойошторолған.
Бынан тыш, ғаризаларҙы дәүләт хеҙмәттәре порталында бирергә мөмкин, тик унда ла йыш ҡына техник эштәр алып барылыуы хаҡында иҫкәртәләр. Шулай уҡ, министрлыҡта хәбәр итеүҙәренсә, ғаризаны ҡағыҙҙа яҙырға мөмкин.