Бөтә яңылыҡтар
Йәмғиәт
7 Февраль 2020, 15:00

Хәмиҙә инәйҙән йәнә бер ҡомартҡы

Хәмиҙә инәй Ейәнғолованан (йәне йәннәттә булһын) яҙып алып ҡалған йәнә бер мөнәжәт. Хаталары булһа, төҙәтеп уҡығыҙ, зинһар. Ҡөрьән аштарында аят уҡып, унда булған һәр кемде 83 аяттан торған “Ясин”лы иткән, “Уҡыған аяттарым һеҙҙе һаҡлаһын-яҡлаһын, Ҡөрьәндең йөрәге – Ясин менән “Аятел Көрси” һәр ваҡыт янығыҙҙа булһын”, – тип изге теләктәрен бөткәс, мотлаҡ "Аллаһыма шөкөр ҡылам" һәм ошо "Лә иләһә илләллаһ" ты яттан әйтер ине. "Яҙып алығыҙ, балалар! Эстән булһа ла уҡып йөрөгөҙ!"- тиер ине.Йома көн мөбәрәк булһын! Уҡыйыҡ әле!

بسم الله الرحمن الرحيم
لَا إلَهَ إلأَّا الله - ЛӘ ИЛӘҺӘ ИЛЛӘЛЛАҺ
Лә иләһә илләллаһ - ғәмәлдәрҙең изгеһе,
Лә иләһә илләллаһ - мөьминдәрҙең көҙгөһө.

Лә иләһә илләллаһ - ғәрши көрси баҫҡысы,
Лә иләһә илләллаһ -һигеҙ ожмах асҡысы.

Лә иләһә илләллаһ - ҡарамағыҙ әҙенә,
Лә иләһә илләллаһ - мәңге бөтмәҫ хазина.

Лә иләһә илләллаһ - тауҙар-таштар ватыр ул,
Лә иләһә илләллаһ - ожмахтарҙы асыр ул.

Лә иләһә илләллаһ - кәлимәһе ҙурҙыр ул,
Лә иләһә илләллаһ - ҡәберҙәрҙә нурҙыр ул.

Лә иләһә илләллаһты әйтәйек, дуҫтар, һәр заман,
Лә иләһә илләллаһты әйтмәгән ҡолдар яман.

Лә иләһә илләллаһ - тамуҡ утын һүндерер,
Лә иләһә илләллаһ - яҡшы юлға күндерер.

Лә иләһә илләллаһ,тип,яҡтыра беҙҙең күңел,
Лә иләһә илләллаһ,тип,сығыр йәнебеҙ еңел.

Лә иләһә илләллаһны күп әйткән Рәсүлулла,
Лә иләһә илләллаһ Мөхәммәт Рәсүлулла.
لَا إلَهَ إ لَّا الله مُحَمَّدٌ رَسُو لُ الله