+13 °С
Болотло
Бөтә яңылыҡтар
Йәмғиәт Общество
13 Февраль 2020, 13:09
Магазин дөйөм туҡланыу урыны менән бер бинала урынлашҡан осраҡта алкоголде берәмләп һатыу тыйылырмы?
Башҡортостан халҡын магазин һәм дөйөм туҡланыу урыны бер бинала урынлашҡан осраҡта алкоголде берәмләп һатыуҙы тыйыуға ҡағылышлы закон проекты тураһында фекер алышыуҙа ҡатнашырға саҡыралар. Бының өсөн республика Дәүләт Йыйылышы – Ҡоролтай әҙерләгән закон проекты менән сайтта бирелгән һылтанмалар буйынса инеп, таныша алаһығыҙ.
Башҡортостан халҡын магазин һәм дөйөм туҡланыу урыны бер бинала урынлашҡан осраҡта алкоголде берәмләп һатыуҙы тыйыуға ҡағылышлы закон проекты тураһында фекер алышыуҙа ҡатнашырға саҡыралар.
Магазиндың сауҙа итеү залы кафенан, тәғәмхананан һәм башҡа нөктәләрҙән ситтә урынлашырға йәки айырым инеү урыны булырға тейеш, тип билдәләнә республика Дәүләт Йыйылышы – Ҡоролтай әҙерләгән документта.
9 мартҡа тиклем власть органдарының ғәмәлдәге норматив акттарын һәм проекттарҙы асыҡтан-асыҡ тикшереү өсөн интернет-порталда закон проектының тексы менән танышырға һәм фекер алышыуҙа ҡатнашырға мөмкин.
Хәтерегеҙгә төшөрәбеҙ, быйыл 3 ғинуарҙа республика магазиндарында алкоголь, шул иҫәптән һыра һатыу тыйылды. Бынан тыш, 4,5 һәм 6 ғинуарҙа спиртлы эсемлектәр һатыу сикләнде. Тейешле закон проектын уҙған йылдың аҙағында Башҡортостан Дәүләт Йыйылышы – Ҡоролтай депутаттары ҡабул итте.
Бынан алда, 2019 йылдың майында республика Дәүләт Йыйылышы депутаттары Башҡортостан ҡалаларында һәм ауылдарында һабантуй үткәрелгән көндәрҙә алкоголь һатыуҙы сикләүгә йүнәлтелгән закон ҡабул итте.
Шулай уҡ Йәштәр көнөндә (27 июндә), Белем көнөндә (1 сентябрҙә, әгәр 1 сентябрь йәкшәмбегә тура килһә, 2 сентябрҙә) иҫерткес эсемлектәрҙе һатыуҙы тыйҙылар.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.