Бөгөн иртән шундай ваҡиғаға шаһит булдым

Бөгөн иртән шундай хәлгә шаһит булдым. Поликлиника алдындағы туҡталҡалағы буш урынға инеп килгән “Приора”ны икенсе яҡтан елдереп килеп еткән “такси” ҡабат-ҡабат пипелдәтеп, урынды бушатырға ымланы. “Приора” алыҫтараҡ туҡталды, ә таксист, йәнәһе лә, “үҙенең” урынын биләне. Ә теге “Приора” водителе багажнигын асып, инвалид коляскаһы сығарып, пассажир ҡатынды ултыртып, поликлиникаға йүнәлде...

Мин бындай күренешкә тәүгә тап булһам да, таксистың ҡыланышына ҡарап, тәүге осраҡ түгелдер тигән фекер тыуҙы.

Күрәләтә инвалидтар өсөн туҡталҡаны “таксопарк"ка әйләндергәндәргән водителдәргә ҡағиҙәләр юҡмы? Юл хәрәкәте хәүефһеҙлеге инспекторҙары ҡайҙа ҡарай?!