#хәтер

Бөгөн әтейебеҙ ХӘМИҘУЛЛИН Биктимер Ғизелхаҡ улының яҡты донъяны ҡалдырып, мәңгелек йортона күсеүенә 40 көн дә тулып китте. Әтейебеҙ һуғыш йылдары балаһы булып, бик иртә атай-әсәйһеҙ ҡалып иңенә ауыр һынауҙар төшһә лә, яҙмышына бер ҙә зарланманы, тормошто яратып, уны биҙәп йәшәне... Беҙҙе, биш балаһын, ерҙә ныҡ баҫып торорҙай итеп тәрбиәләп, башлы-күҙле итеп, олоғайғанда ла терәк -таяныс, кәңәшсебеҙ булды. Егәрле, намыҫлы, эскерһеҙ булғаны өсөн ауылдаштар хөрмәт итте үҙен. Моңло тауышы, йор һүҙе менән ауылыбыҙ сәхнәһе, дуҫ- туғандарҙың мәжлес йәме булды. Әтейебеҙҙең рухы тыныс, йәне йәннәттә булһын. Уны хөрмәтләп һуңғы юлына оҙатырға килеүсе туғандарға, ауылдаштарға тағы ла рәхмәт һүҙебеҙҙе еткерәбеҙ. Һеҙҙе ҡайғы -хәсрәт урап үтһен, һау- сәләмәт булығыҙ. Ҡатыны, балалары, ейән-ейәнсәрҙәре, бүлә-бүләсәрҙәре.