КАРАНТИН ДАУАМ ИТӘ

Хөрмәтле райондаштар!Иҫәнғол үҙәк район дауаханаһының терапия бүлегендә коронавирус инфекцияһы сығанағы асыҡланыуы сәбәпле, Рспотребнадзор ҡарары менән поликлиника һәм стационарҙа карантин иғлан ителде. Бөгөн дауахананың барлыҡ биналарын дезинфекциялау, учреждение хеҙмәткәрҙәре һәм пациенттар араһында сирлеләрҙе асыҡлау эше дауам итә. Әлегә поликлиникала планлы ҡабул итеүҙәр туҡтатылды. Сирлеләр бик киҫкен осраҡта ғына ҡабул ителә һәм, талап ителһә, башҡа дауаханаларға йүнәлтеләсәк.Ҡабул итеүҙәрҙе 8 июндән башлау күҙаллана, әммә карантин бөтөүе хаҡында халыҡҡа өҫтәлмә хәбәр ителсәк. Сиреләрҙе ҡабул итеүгә коронавирус инфекцияһына анализдары кире һөҙөмтә биргән хеҙмәткәрҙәр генә йәлеп ителәсәк.