-6 °С
Болотло
Бөтә яңылыҡтар
Йәмғиәт Общество
13 Июль 2020, 18:00
ҠАРБУЗДЫ НИСЕК ҺАЙЛАРҒА?
Ниһайәт, ҡарбуз миҙгеле башланды. Уны урамда ла, һәр аҙыҡ-түлек магазинында ла һатып алырға була. Әммә уның тәме кәйефегеҙҙе боһмаһын өсөн, һатып алыр алдынан, Росстандарттың сайтта бирелгән кәңәштәренә күҙ йүгертегеҙ.
Росстандарт өлгөргән, сифатлы ҡарбуздарҙы һайлау буйынса кәңәштәр баҫтырып сығарған.
Иң беренсе сиратта, ҡарбузды бөтөн яҡтан иғтибар менән тикшереп, тотоп ҡарарға кәрәк – ҡарбуз тышында, микробтар һәм бактериялар үтерлек, бер ниндәй ҙә сатнаған, йәмшәйгән, сыйылған, ярыҡ һәм башҡа боҙолған урындар булырға тейеш түгел.
Сағыу һәм төҫлө һыҙыҡтар ҡарбуздың өлгөргәнлеге сифаты булып тора.
Әгәр ҙә ҡарбуз тышын бармаҡ менән һөртөп ҡарағанда, яңы бесән еҫе сыҡһа, ул әле бешмәгән тигәнде аңлата.
Ҡарбуз ҡойроғо кипкән булырға тейеш, сөнки ҡарбуз өлгөргәс, ерҙән дым алыуҙы туҡтата һәм кибә. Әгәр ҡойроғо йәшел икән, тимәк уны бешмәҫ борон өҙөп алғандар.
Бешкән ҡарбузға һуғып ҡараһаң, ул асыҡ һәм яңғырауыҡлы тауыш, ә бешмәгән емеш тоноҡ тауыш бирә.
Ҡарбуздың ергә тейеп ятҡан яғын ҡарау мөһим, уны емештең “сикәһе” тип атайҙар, ул ныҡ һары йәки ҡыҙғылт-һары төҫтә була. Ныҡ асыҡ, ҙур һәм тигеҙ итеп буялған “сикә”, ҡарбуздың баҡсала тейешле кимәлдә ятмауын белдерә.
Бынан тыш, Росстандарт белгестәре ҡарбузды яҡшылап йыуырға, уны тышына тиклем ашамаҫҡа һәм ҡырҡылған ҡарбуздарҙы алмаҫҡа тәҡдим итә.
Ҡарбузығыҙ тәмле булһын!
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.