Йәйге ҡыҫыр аш

Йәйге файҙалы ла, туҡлыҡлы ла аш, тиҙ генә әҙер була.
1. Кәстрүлгә һыу һалып, ҡайнатырға ҡуябыҙ.
2. Ул арала 2-3 картуф әрсеп турайбыҙ.
3. Бер баш һуған әрсеп турайбыҙ.
4. 3-4 кесерткәнде ҡайнар һыуҙа сайҡап алабыҙ һәм турайбыҙ.
5. Ярты литрлыҡ банкаға 2 йомортҡа, 5-6 ҡашыҡ он һалып бутайбыҙ. Ҡамыр әҙер.
6. Картуфты һалабыҙ, бер аҙ тоҙ һалабыҙ. Ул 5 минут ҡайнағас, кесерткәнде һалып болғатабыҙ.
7. Ҡайнап сыҡҡас, ҡамырҙы ҡалаҡлап алып, берәмләп ашҡа өҫтәйбеҙ яйлап.
8. Биш минуттан аш әҙер.
Тәмле булһын.