-6 °С
Ҡар
Бөтә яңылыҡтар
Йәмғиәт Общество
9 Август 2020, 18:00
"Бала саҡ тәме" пюреһе
Быйыл алмағастар уңышы менән һөйөндөрә. Уңған хужабикәләр алманан ҡайнатма ла, ҡаҡ та, компот та әҙерләне. Ҡышҡыһын компот итеп ҡайнатырға йәки ләүешкә эслек итергә тип киптереп һаҡлаусылар ҙа бар. Ә беҙ бөгөн алма пюреһы әҙерләргә булдыҡ.“Бала саҡ тәме”пюреһын эшләү өсөн 5 кг алма кәрәгәсәк.
“Бала саҡ тәме” булған алма пюреһын эшләү өсөн 5 кг алмаға (таҙартылмаған) 1 стакан һыу, ярты стакан шәкәр ҡомо һәм 1 банка ҡуйыртылған һөт кәрәгәсәк.
Алманы йыуып, ҡабығын таҙартып, киҫәкләп ҡырҡабыҙ. Ҡалын төплө кәстрүлгә алманы һалып, һыуҙы ҡоябыҙ ҙа, ҡапҡасын ябып, утҡа ҡуябыҙ. Төбөнә көйөп ҡуймаһын өсөн даими болғатып торабыҙ. Талғын утта алма йомшарғансы бешереп алабыҙ. Бешкән алманы ошо уҡ кәстрүлдә блендер менән иҙәбеҙ ҙә. Шәкәр иреһен өсөн, иҙгәндә ҡушыу яҡшыраҡ булыр. Унан инде “сгущенка”ны ла ҡушып, болғайбыҙ ҙа, утҡа ҡуйып, ҡайнап сыҡҡас, йәнә 5 минут бешереп алабыҙ. Әҙер массаны эҫе килеп стерилләнгән банкаларға һалып, ҡапҡас ябабыҙ һәм баш түбән әйбәндереп, һыуынғансы ябып ҡуябыҙ.
Тәмле булһын!
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.