Изгелек ерҙә ятып ҡалмаҫ

Әҙәм балаһының һуңғы йорто – зыярат. Уның янынан уҙған һәр кеше был донъяның мәңге түгеллеген иҫенә төшөрә һәм вафат булған туғандарыбыҙ рухына доға ҡыла, үҙенең ҡылған ғәмәлдәре тураһында уйлана.

Дуҫ, дошманы, яҡшы-яманы ла ошонда ерләнгән.
Байдәүләт ауылы зыяратында мәрхүмдәрҙе һуңғы юлға оҙатҡанда ҡулланылған кәрәк-яраҡтар һаҡланған будканың иҫкергән булыуы күҙгә ташлана ине. Ошо көндәрҙә уны бер туған Рәфҡәт, Әхмәт, Тәлғәт Бикйәновтар яңыртып эшләп ҡуйҙы. Оло рәхмәт һеҙгә!

Гөлсөм Бикйәнова.

Байдәүләт ауылы.