Ата-бабаларыбыҙҙың боронғо ғөрөф-ғәҙәттәре, йолалары бөгөнгө көндә лә үҙ баһаһын юғалтмай. Бөтә доньяға даны таралған "Ейәнсура шәле" үҙе генә ни тора! Бөгөнгө көндә лә Нурия, Латифа һәм Гөлнур апайҙар бер-береһенә ҡул алмаш йөрөп, шәл өмәһе үткәрәләр. Бөгөн улар Нурия апайҙа дебет һуғыу өмәһендә. Тәмләп төшкө аш ашап, күңелле итеп серләшәләр, йәшлек йылдарын, район үҙәк дауаханаһында эшләгән йылдарын иҫкә төшөрәләр.