Көҙҙәр илаҡ, яҙҙар йыраҡ

Ә алда ҡар - буранлы, мөғжизәләй ҡар бөртөклө, саф һауалы - ҡыш! Һәр ҡышҡа хас булған уның һыуығы ла, әсе еле лә, ыжғыр бураны ла, ҡалын көрттәре лә беҙҙе ҡурҡытмай, ялҡытмай, тик матур эштәргә өмөтләндерә, изге уйҙарға һала. Үтеп барған йылы көҙҙөң, күңелдә ҡалған эҫе йәйҙең ҡәҙерле мәлдәре лә һалҡын ҡыш айҙарында йөрәкте йылытып ҡына ҡалмай, үткән хәтирәләрҙе лә, бәхетле мәлдәрҙе иҫләтеп торор. Һалҡын миҙгелде тик шәп, ҡыуаныслы яңылыҡтар менән генә һағынып ҡаршылайыҡ әле, дуҫтарым!