Фатир хужаларының аҡсаһы һөҙөмтәле файҙаланыла

Торлаҡ-коммуналь хужалыҡ – ул йәшәйешебеҙҙең үтә мөһим, әммә күп мәшәҡәтле һәм ҡатмарлы бер тармағы. Бигерәк тә, заман менән бергә атларға ынтылған кешеләргә уңайлы шарттар тыуҙырыу, яңы талаптарға яуап биргән сифатлы хеҙмәт күрһәтеү ҙә бик еңел түгелдер. Ҡулланыусылар йылылыҡ, яҡтылыҡ, һыу һ.б. өсөн тарифтар артыуына әсенһә, торлаҡ-коммуналь хужалыҡ хеҙмәткәрҙәре бынан ярты быуат элек, хатта унан да күберәк алда төҙөлгән йорттарҙың иҫкереүе, туҙыуы арҡаһында йонсой. Нисек кенә булмаһын, әлеге мәлдә булғанын һаҡлап, ҡурсалап торорға кәрәк. Ошо йәһәттән, быйыл “Башҡортостан Республикаһы территорияһында урынлашҡан күп фатирлы йорттарҙағы дөйөм мөлкәтте капиталь ремонтлауҙың төбәк операторы” коммерция нигеҙендә булмаған фонды контроле аҫтында Һәҙиә Дәүләтшина урамы, 1 адресы буйынса урынлашҡан өс ҡатлы өйгә капиталь ремонт яһала. #БР#Ейәнсурарайоны#Иҫәнғолауылы#торлаҡ-коммунальхужалыҡ