Бөтә яңылыҡтар
Йәмғиәт
27 Декабрь 2020, 13:29

ЯҢЫ ЙЫЛ САЛАТЫ

Яңы йылға ла һанаулы ғына көндәр ҡалды. Хужабикәләр байрам табынын хәстәрләй башлағандыр ҙа инде. Иғтибарығыҙға сираттағы салат рецебын тәҡдим итәбеҙ.Ә һеҙ ниндәй салаттар эшләргә йыйынаһығыҙ?"Сәғәт" салаты

Яңы йылға ла һанаулы ғына көндәр ҡалды. Хужабикәләр байрам табынын хәстәрләй башлағандыр ҙа инде. Иғтибарығыҙға сираттағы салат рецебын тәҡдим итәбеҙ.
Ә һеҙ ниндәй салаттар эшләргә йыйынаһығыҙ?

"Сәғәт" салаты

5 картуф,
2 кишер,
1 алма,
2 тоҙло ҡыяр,
1 һуған,
консерваланған борсаҡ,
самалап тоҙ, майонез.

Биҙәү өсөн:
6 йомортҡа,
1 ҡыҙыл болгар боросо.

Кишер менән картуфты бешерергә лә әрсеп турарға. Борсаҡ, туралған тоҙло ҡыяр һәм ҡырғыстан үткәрелгән алманы ҡушырға һәм майонез, тоҙ ҡушып, бөтәһен бергә болғарға. Әҙер массаны түңәрәк формалағы тәрән һауытҡа һалып, ҡалаҡ менән тигеҙләргә һәм ҙурыраҡ яҫы тәрилкәгә баштүбән бушатырға. Сәғәттең “корпусы“ әҙер. Уның өҫтөнә икегә бүленгән һәм һарыһы айырылған бешкән йомортҡаларҙың ағын түңәрәкләп теҙергә (түңәрәк яғын өҫкә ҡаратып). Һарыһын ваҡ ҡырғыстан үткәреп, уртаға һибеп сығырға. Ҡыҙыл боростан сәғәт телдәрен киҫеп алырға — минут телен оҙонораҡ, сәғәт телен ҡыҫҡараҡ һәм ҡалыныраҡ ҡырҡырға. Боростоң ҡалғанынан бер төрлө 28 нәҙек оҙонса киҫәк ҡырҡып алырға һәм йомортҡаларҙың өҫтөнә Рим һандары формаһында һалып сығырға. Улар йәбешеп торһон өсөн, башта йомортҡа өҫтөнә самалап майонез һөртөргә мөмкин.
"Башҡортостан" гәзитенән.
Читайте нас в