Телевизорығыҙ боҙолғанмы?

Йүнәтеп булмаһа - ташлағыҙ! Өйҙә боҙоҡ, иҫке әйберҙәрҙе һаҡларға ярамай. Ә нимәләрҙе ярамай?

1. Тишек, йыртыҡ, ялпашып бөткән тәпишкәләр. Хаҡы осһоҙ бит уларҙың - яңыртып тороғоҙ.

2. Кейелмәгән иҫке кейем. Насар энергетика йыйып ятмаһын өсөн йәлләмәйенсә сығарып ташлағыҙ йә кейерҙәй кешегә бирегеҙ.

3. Кителгән, сатнаған, ярыҡ һауыт-һаба булған йортта татыулыҡ булмай, тиҙәр. Бер-берегеҙгә нимә бүләк итергә белмәһәгеҙ, һауыт-һаба бүләк итегеҙ. Бер ҡасан да артыҡ булмай.

4. Кипкән ҡамыш йә ҡылған ауырыу, бәхетһеҙлек, яңғыҙлыҡ килтерә йортҡа тигән ырым борондан йәшәп килә. Кипкән үлән урынына матур-матур гөлдәр үҫтерегеҙ .

5. Ылыҫлы ағас йә уның ботаҡтары өйҙә йылына бер тапҡыр ғына индерелә. Яңы йыл байрамдары үтеү менән сығарырға кәрәк .

6. Боҙоҡ техника: эшләмәгән телевизор, саң һурғыс, компьютер, телефон һәр кемебеҙҙең йортонда барҙыр. Йүнәтерлек булмаһа, тиҙ арала ҡотолоу юлын эҙләргә кәрәк.

"Башҡортостан" гәзитенән.