+16 °С
Ясно
Йәмғиәт Общество
3 Апреля 2021, 09:10
Апрель айына һынамыштар
Борон римлеләр үҙҙәренең календарындағы икенсе айҙы, латинса «аперире» (асылыу) һүҙенән алып, «априлис» тип атаған. Ысынлап та, был айҙа бөрөләр асыла.
Борон римлеләр үҙҙәренең календарындағы икенсе айҙы, латинса «аперире» (асылыу) һүҙенән алып, «априлис» тип атаған. Ысынлап та, был айҙа бөрөләр асыла.
Боронғо ата-бабаларыбыҙ календары буйынса йылдың беренсе айы - науруз 21 апрелгә ҡәҙәр дауам итә. 22 апрелдән һабан айы башлана.
ҺЫНАМЫШТАР
* Апрель артыҡ йылы булһа, май һалҡын, елле булыр.
* Апрелдең алтыһында торна ҡысҡырһа, йыл яҡшы килә.
* Апрелдең алтыһында аяҙ булһа, йәй ҡоро килер, болотло булһа -ашлыҡ уңыр.
* Сыйырсыҡ иртә килһә, көндәр йылы булыр.
* Ағастар бөрөләрен аҫтан яра башлаһа, яҙ тиҙ килә.
* 23 апрелдә иртә менән ысыҡ мул төшһә, ҡарабойҙай уңыр.
* Ҡыр ҡаҙҙары бейектән осһа, яҙғы ашлыҡ бик уңыр.
* Апрель аҙаҡтарында йылы ямғырҙар яуһа, игендәр яҡшы булыр.
Иҫкәрмә: һынамыштарҙа көндәр иҫке стилдә бирелә.
