Махсус сара дауам итә

Районда "Иғтибар - балалар!" иҫкәртеү сараһы дауам итә. Юл хәрәкәте хәүефһеҙлеге дәүләт инспекцияһы хеҙмәткәрҙәре 11 июнгә тиклем дауам итәсәк операция барышында балаларҙы транспортта йөрөтөү, шулай уҡ бәлиғ булмағандарҙың юлда, бигерәк тә велосипед һәм мопедтарҙа йөрөүе, юл ҡағиҙәләре үтәлешен тикшереләсәк.Юл хәүефһеҙлеге инспекторҙар яуаплылығында булһа, балаларҙың именлеге - ата-әсә ҡулында! Ошо хаҡиҡәтте иҫебеҙҙән сығармайыҡ. Балаларға юл ҡағиҙәһен өйрәтергә, был хаҡта әңгәмәләшергә ваҡыт табығыҙ. Иң мөһиме - үҙегеҙ ҡағиҙәләрҙе үтәгеҙ!