+16 °С
Ясно
Йәмғиәт Общество
29 Мая 2021, 13:35
Төп бурыстар билдәләнде
Халыҡ менән аралашыу һәр саҡ ыңғай һөҙөмтә бирә"Башҡортостан Башлығы Радий Хәбиров Туймазылағы семинарҙа муниципалитеттарҙың төп бурыстарын билдәләне.Тулы текст сайтта:
Туймазы районында республика башҡарма власть органдары етәкселәре ҡатнашлығында төбәк муниципалитет башлыҡтары семинары үтте. Уның эшендә Башҡортостан Башлығы Радий Хәбиров ҡатнашты.
Республика етәксеһе пандемия шарттарында ла эште яҡшы ойошторғандары өсөн ҡала-район хакимиәттәре башлыҡтарына рәхмәт әйтте.
– Әммә шуны аңларға кәрәк: коронавирус бер ҡайҙа ла китмәне, – тине Радий Хәбиров. – Шуға күрә беҙгә вакцинация яһатыуҙы иғтибарға алырға кәрәк. Ул - сиргә ҡаршы көрәштең һәм ҡәҙимге тормош менән йәшәй башлауҙың берҙән-бер юлы.
Радий Хәбиров билдәләүенсә, кешеләр менән күптән яҡындан аралашыу булғаны юҡ. Хәҙер бындай осрашыуҙар тергеҙелә башлай. Тәжрибә күрһәтеүенсә, бындай хеҙмәт алымы һәр саҡ ыңғай һөҙөмтә бирә.
– Һәр беребеҙ эш урындары асылһын, яңы инвестиция проекттары булһын өсөн тырышырға тейеш, – тине Радий Хәбиров. – Ошо маҡсатта эшҡыуарҙар менән тығыҙ хеҙмәттәшлек итергә кәрәк.
Халыҡтың социаль көнкүрешен яҡшыртыуға биләмәләрҙе тәртипкә килтереү ҙә булышлыҡ итә.
– Ҡала һәм райондарҙа торлаҡ-коммуналь команданы көсәйтергә кәрәк, – тине Радий Хәбиров. – Төҙөкләндереү – һәр саҡ өҫтөнлөклө йүнәлештәрҙең береһе.
Башҡортостан Башлығы сара тураһында “Бәйләнештә”ге төркөмөндә лә яҙҙы. "Бөгөн ҡала һәм район хакимиәттәре башлыҡтары менән үткәрелгән семинарҙа “Инцидент-менеджмент” системаһы эше хаҡында ла һөйләштек, – тип белдерҙе Радий Хәбиров. – Ул - халыҡ менән бәйләнеш булдырған төп инструмент".
Белешмә:
Башҡортостанда коронавирусҡа ҡаршы вакцинация дауам итә. Төбәк 406 414 доза вакцинаны (“Спутник V”, “ЭпиВакКорона” һәм “КовиВак”) алырға өлгөрҙө лә инде. Билдәле булыуынса, 28 майға ҡарата беренсе компонентты – 355 551, ә икенсеһен 269 318 кеше алған.
Фото: Башҡортостан Башлығы сайты.
