Матурлыҡ донъяны ҡотҡарыр!

Матурлыҡ — камиллыҡты аңлатҡан эстетик категория. Ниндәй ҙә булһа бер объекттың төрлө яҡтары күҙәтеүселә юғары ләззәт уятырлыҡ гармониялы тап килеүе. Матурлыҡ — мәҙәниәттең иң мөһим категорияларының береһе. Йәмһеҙлек, шөкәтһеҙлек һәм килбәтһеҙлек матурлыҡҡа ҡапма-ҡаршы булғанды аңлатыусы төшөнсәләр.

Матурлыҡтың сере ниҙә һуң? Быны әлегәсә бер кем дә аныҡ ҡына әйтә алмай. Ҡайһы бер ҡатын-ҡыҙ күрер күҙгә әллә ни сибәр ҙә түгел, ә көслө заттар уны алиһә итеп күрә. Икенселәре - ҡойоп ҡуйған сибәр ҙә, аҡыллы ла, әммә ир-егет уларҙан ситләшә...

Ир-егет ҡатын-ҡыҙҙа нимәгә өҫтөнлөк бирә һуң? Зауыҡ хаҡында бәхәсләшмәйҙәр тиһәләр ҙә, уртаҡ ҡараштар бихисап:

- иң тәү сиратта, үҙ-үҙеңде ихтирам итеү, кеше булараҡ түбәнһетмәү;

- нәфислек, нәзәкәтлелек;

- эргәһендәге ир-егетте күтәрә, баһалай, дәртләндерә белеү;

Ә шулай ҙа гүзәл затҡа иң килешкәне - бәхет күлдәге! Бәхет - күңел торошо! Йылмайығыҙ, донъяғыҙға ҡыуанығыҙ һәм бәхетле булығыҙ!

Башҡорт халыҡ мәҡәлдәрендә матурлыҡ:

Матур - күҙ өсөн, аҡыллы - күңел өсөн.

Матурлыҡ - күҙ өсөн, холоҡ - күңел өсөн.

Матур сәскә сәнскеле була.

Матурлығы хәжәт түгел, аҡылы-тәүфиғы булһын.