Ә һеҙ беләһегеҙме?
Бал ҡорттары тураһында бер нисә факт
- Бал ҡорттары – «математиктар». Уларҙың кәрәҙҙәре тигеҙ яҡлы, ифрат ныҡлы төҙөлөштө хәтерләтә һәм яҡтарының мөйөштәре 109,28 градусҡа тиң.
- Бал ҡорттары еҫ һиҙеү буйынса чемпиондар. Улар төрлө еҫте кешегә ҡарағанда 1 мең тапҡырға көслөрәк һиҙә, ә сәскә еҫен бер 1 саҡрымдан тоя.
- Инә ҡорттоң ҡарышлауығы (личинкаһы) биш көн эсендә 1500 тапҡырға ҙурайырға өлгөрә.
- Бал ҡорттарының кешегә билдәле булмаған тағы бер серле сифаты бар: улар ғәҙәттән тыш осраҡтарҙа, ғаиләһен һаҡлар өсөн, ғүмерҙәрен оҙайта ала.
- Бал ҡорто 100 грамм бал әҙерләр өсөн 46 мең саҡрым юл үтә, ул экватор буйлап әйләнеп осоп сыҡҡанға тиң.
- Эшсе ҡорт бер көндә ете мең сәскәне һеркәләндереп өлгөрә. Ҡайһы берәүҙәре үҙенән бер нисә тапҡыр ҙурыраҡ йөк менән оса ала.
- Йөкһөҙ ҡорттоң тиҙлеге сәғәтенә 65 саҡрым булһа, йөк менән ул ике тапҡыр әкрен оса.
- Бер ҡорт бер осоуҙа 40-50 мг һут килтерә.
- Осоп барған бал ҡорто үҙе тирәһендә электр майҙаны ҡора һәм уның һүлпәнәйә башланған заряды 1,5-1,8 вольтҡа етергә мөмкин.
Интернет селтәренән.