Бөгөн - Бөтә донъя иммунитет көнө

Бөгөн - Бөтә донъя иммунитет көнө

 Кеше донъяға актив ммунитет менән тыуа. Пассив иммунитет иһә прививкалау ярҙамында барлыҡҡа килә. Кешенең иммун системаһаның эшмәкәрлеге яртылаш йәшәү рәүешенә бәйле.

Иммунитетҡа кире йоғонто яһаусы факторҙар:

• оҙайлы стресс;
• дөрөҫ туҡланмау;
• тәмәке тартыу, алкоголле эсемлектәр эсек кеүек насар ғәҙәттәрҙең булыуы;
• физик яҡтан ныҡ арыу;
• организмға витаминдарҙың һәм микроэлементтарҙың етешмәүе;
• төрлө тән йәрәхәттәре алыу, хирургик операциялар үткәреү, тән өлөштәренең бешеүе;
• экологик фактор;
• контролһеҙ рәүештә дарыуҙар ҡулланыу.

Йыш һыуыҡ тигеҙһәгеҙ, оҙайлы рәүештә тән температураһының  күтәрелеп йөрөүе, тиҙ арыу, йоҡоһолоҡ йәки киреһенсә гел йоҡо килә, тәнегеҙ һыҙлай, башығыҙ ауырта, тәнегеҙ сәбертеп сыға икән – тимәк һеҙҙең иммун системағыҙ эшмәкәрлеге насарайған.  

Иммунитет ныҡлы булһын тиһәгеҙ:

-тик файҙалы ризыҡтар ашағыҙ;

-насар ғәҙәттәрҙән арынығыҙ;

-психик яҡтан үҙегеҙҙе һаҡларға өйрәнегеҙ;

-йоҡоғоҙ 8 сәғәттән дә кәм булмаһын;

-организмығыҙҙы сыныҡтырығыҙ;

-спорт менән дуҫ булығыҙ.

Иммунтетығыҙ көслө булһа, организмығыҙ күп төрлө ауырыуҙарға бирешмәҫ. Тик үҙегеҙгә үрҙә яҙылған кәңәштәрҙе үтәргә генә кәрәк!